Presidenti i përkohshëm sirian, Ahmed al-Sharaa, do të flasë muajin e ardhshëm në Asamblenë e Përgjithshme të Kombeve të Bashkuara, i ka thënë agjencisë së lajmeve AFP një zyrtar në Ministrinë e Jashtme të Sirisë.

Sharaa “do të marrë pjesë në Asamblenë e Përgjithshme të Kombeve të Bashkuara në New York, ku do të mbajë një fjalim” – tha zyrtari sirian, duke folur në kushte anonimiteti, sepse nuk ishinte i autorizuar që të fliste me gazetarë, shkruan gazeta “The Times of Israel”.

Më tej, zyrtari shtoi se Sharaa do të jetë presidenti i parë sirian që do t’i drejtohet Asamblesë së Përgjithshme që nga viti i largët, 1967.
Rebelët e udhëhequr nga grupi i Sharaas e rrëzuan nga pushteti në dhjetorin e vitit të kaluar ish-presidentin Bashar al-Assad.

Në maj të këtij viti, Sharaa u takua në Riad të Arabisë Saudite me presidentin amerikan, Donald Trump, i cili njoftoi se ShBA-ja do t’ia hiqte sanksionet Sirisë.